Карам оқ капалаги ва қарши кураш чоралари

Карам оқ капалаги ғумбаклик босқичида эски биноларда, девор ёриқларида, дарахт таналарида ва буталар орасида қишлаб чиқади.

Апрел-май ойларида капалаклари учиб чиқиб оталанган урғочи зотлар ҳар  бири  250-300 тухумларини карам баргларига тўп-тўп қилиб қўядилар. Қуртлари карам баргларини ёппасига кемириб озиқланиб баргларни фақат йўғон томирларини қолдиради. Қуртлари 15-30 кун озиқланиб, дарахт ва бутасимонлар таналарида             ташландиқ      бинолар          девор ёриқларида ғумбакка ўтади. Карам оқ капалаги Ўзбекистон шароитида 3-4 авлод бериб ривожланади.

Кураш чоралари. Агротехник тадбирлар:  бутгулсимон бегона ўтларни айниқса, гуллаётганларини зудлик билан йўқотиш. Биологик усул:  карам оқ капалагини тухумига қарши трихограмма энтомофагидан 1 граммдан ҳар бир авлодига 3 марта 4-5 кун   оралатиб 400 та нуқтага тарқатилади; ўрта ва катта ёшдаги қуртларига қарши 1:20; 1:10; 1:5 нисбатларда бракон энтомофагини 10х10м схемада тарқатилади. Кимёвий усул: 5% ўсимликда зараркунанда тухум ва қурти мавжуд бўлса карам оқ капалагини зарар етказиш хавфи бўлган далаларда карамга Децис, 25% эм.к.-0,3 л/га; Фуфанон, 57% эм.к. – 0,6-1,2 л/га; Кинмикс, 5% эм.к. – 0,15-0,2 л/га; Люметрин,12% эм.к.- 0,45-0,6 л/га; Суми-альфа, 5% эм.к.-0,2 л/га; Эсфен-Альфа, 5% эм.к.- 0,2 л/га; Суперкилл, 25% эм.к.- 0,16 л/га, Ципи, 25% эм.к. – 0,16 л/га, Циракс, 25% эм.к.- 0,16 л/га; Циперметрин, 25% эм.к. – 0,1л/га, Фенкилл билан ишлов берилади.

Манба: САБЗАВОТ ЭКИНЛАРИНИНГ ЗАРАРКУНАНДА, КАСАЛЛИКЛАРИ ВА УЛАРГА ҚАРШИ КУРАШ ЧОРАЛАРИ (Фермерлар учун қўлланма)