Кластер — келажак усули

Қизилтепа туманидаги “Кубаро Диёр” кўп тармоқли фермер хўжалиги 2006 йилда ташкил этилган. Ўтган давр мобайнида фермер хўжалиги шартномавий режаларни ортиғи билан бажариб келади.

Айни пайтда хўжалик мириш­кор­лари 39,2 гектар уруғлик ғал­ла, 28 гектар пахта, 4,2 гек­тар боғ, 0,3 гектар узумзорда меҳнат қилмоқда. Шунингдек, 2 гектар балиқхонадан 20 тонна­дан зиёд маҳсулот етиштирил­гани, 550 гектардан зиёд яйлов­да 451 бош қорамол, 2000 бош­дан зиёд қўй-эчки боқилаётган­лиги хўжа­лик иқтисодий имко­ниятларини янада кенгайтирмоқда.

— Фермерлик аслида тадбир­корлик эканлигини энди тушу­ниб етаяпмиз, — дейди хўжа­лик раҳбари Хуршид Раҳмо­нов. — Пахта, ғалла бўйича шарт­номавий режаларни орти­ғи билан бажарсак ҳам даро­мад ололмаган пайтларимиз бўлди. Чунки, режани орқаси­дан қувиб сарф-харажатни ўйла­масдик. Бунинг оқибатида эса иқтисодий зарар келиб чиқарди. Ҳозир қилган меҳнатга яраша даромад оладиган давр келди. Соҳада инновацион ғоя­лар асосида харажатни камай­тириб, юқори ҳосил олиш усти­да мунтазам изланишлар олиб бораяпмиз. Ўтган йили 500 мил­лион сўмдан зиёд даро­мад қилганимиз саъй-ҳаракат­ла­римиз бесамар кетмаганидан дарак беради. Албатта, бу маб­лағни хўжалигимиз моддий-техника базасини мустаҳкам­лаш­га, ишчи-ходимларнинг манфаатдорлигини оширишга сарфлаймиз. Айтганча, тумани­мизда пахта етиштиришнинг кластер усули жорий этилган­лиги ҳам бу йил даромадимиз­га даромад қўшди. Ўтган йили пахтани 1 килограмм пахтани 1500 сўмдан сотган бўлсак, бу йил туманимизда янги усулда меҳ­нат қилиб, 2200 сўмдан сот­дик. 2017 йилда етишти­рилган 150 тонна ҳосилнинг ўзидан олган даромадимиз 100 миллион сўмдан зиёд бўлди. Ушбу қў­шимча маблағ ҳисобига жорий йилда экинлар ҳосил­дорлигини янада оширамиз, қўшимча иш ўринлари яратамиз.

Кластер — бу экин экишдан тортиб, тайёр маҳсулот ишлаб чиқаришгача бўлган жа­раённи ўз ичига оладиган ти­зим эканлигини инобатга олсак, уни қишлоқ хўжалигининг барча соҳаларида қўллаш мумкин. Бир сўз билан айтганда, Президен­тимиз томонидан жорий этила­ётган кластер усули фермер­ликнинг келажаги эканлигини мана бизнинг мисолимизда кўриш мумкин.

      Бахтиёр ТОШНАЗАРОВ,