Эртанги пиёз учун маҳаллий “Истиқбол”, “Зафар”, “Сумбула”, “Марғилон маҳаллийси”, “Самарқанд қизили”, хорижнинг “Алдова”, “Дайтона”, “Сибирь”, “Манас”, “Радар” навлари тавсия этилади.
“Марғилон маҳаллий”. Кечпишар нав, ўсув даври 150-160 кун. Пиёзбоши тухумсимон, баъзан сигаретсимон, қобиғи оқ рангли, эти оқ, жуда майин, серсув, тиғиз эмас, вазни 80-100 г, дегустацион баҳоси ширин. Ҳосилдорлиги 29-31 т/га ва аччиқ эмас.
“Каба 132”. Кечпишар нав, ўсув даври 150-160 кун. Пиёзбоши юмалоқ ёки қозонсимон, устки қисми кенг, илдизга яқинлашган сари ингичкалашиб боради, қобиғи сариқ, эти оқ, тиғизлиги ўртача, вазни 80-100 г, дегустацион баҳоси ярим аччиқ. Таркибида қуруқ модда миқдори 8,9%, Ҳосилдорлиги 25-30 т/га.
“Оқ дур”. Эртапишар нав, ўсув даври 110 кун. Ҳосили апрелнинг иккинчи ярми, майнинг биринчи ўн беш кунлигида пишиб етилади. Пиёзбоши юмалоқ, қобиғи оқ рангли, эти оқ, серсув, тиғиз, вазни 100-125 г. Таркибида қуруқ модда миқдори 12,3%, Ҳосилдорлиги 38-43 т/га. Эрта кузда августнинг иккинчи ва
сентябрнинг биринчи ярмида экиш мумкин.
“Истиқбол”. Кечпишар нав, ўсув даври 150-160 кун. Пиёзбоши тухумсимон, баъзан сигаретсимон, қобиғи оқ рангли, эти оқ, жуда майин, серсув, тиғиз эмас, вазни 80-100 г, дегустацион баҳоси ширин. Ҳосилдорлиги 29-31 т/га ва аччиқ эмас.
“Зафар”. Ўртапишар нав, ўсув даври 138-143 кун. Пиёзбоши юмалоқ, қобиғи бинафша ранг, эти оч бинафша ранг, серсув, тиғизлиги ўртача, вазни 130-150 г. Таркибида қуруқ модда миқдори 13,9%. Ҳосилдорлиги 40-45 т/га. Баҳорги ва тўқсонбости муддатларда экиш мумкин.
“Самарқанд қизили 172”. Кечпишар нав, ўсув даври 150-160 кун. Пиёзбоши яссиюмалоқ, қобиғи сиёҳ ранг, этли, эти оч гунафша ёки оч пушти ранг, тиғизлиги ўртача, вазни 70 -90г. Ҳосилдорлиги 25-30 т/га.
“Сумбула”. Эртапишар нав, ўсув даври 110 кун. Ҳосили апрелнинг иккинчи ярми, майнинг биринчи ўн беш кунлигида пишиб етилади. Пиёзбоши юмалоқ, қобиғи сариқ ранг, эти оқ, серсув, тиғиз, вазни 100-125 г. Таркибида қуруқ модда миқдори 11,4%, Ҳосилдорлиги 40-45 т/га. Эрта кузда августнинг 2- ва сентябрнинг 1-ярмида экиш мумкин.



















