Қўнғир думли заркапалак ва кураш чоралари

Ёши катталари оқ, қорнининг охирида бир тўп қўнғир туклари бор; эркак капалакнинг қорни жигарранг тусга эга. Қанотлари ёйиқ турган ҳолатдаги узунлиги 35 мм гача (урғочилариники 38 мм). Тухумларни тўда кўринишида қўядилар ва ўзларининг зарсимон туклари билан ўраб қўядилар. Личинка жигарранг ва оқ ранглардан иборат бўлиб сертуклидир. Агар бу личинка одам терисига тушса, у терини чақади ва бу орқали терида оғриқ ва қичиш пайдо бўлади. Бу каби личинкаларни дарахтдан олиб ташланаётганда, махсус иш кийимидан фойдаланинг

Ҳаёт цикли
Личинкалар (3чи босқич) дарахтда ўзи ясаган тўрли инда қишлайди. Баҳорда уяларидан чиқиб озиқланишга киришадилар. Аввалига куртаклар билан кейинчалик эса барглар билан озиқланадилар ва сезиларли зарар етказадилар. Июн ойи ва июл ойининг бошларида улар тўрлари билан ўралган барглар орасига пилла қўядилар. Пилладан чиққан капалаклар 300 тагча тухум қўядилар. Тухумдан чиққан личинкалар тўда-тўда бўлиб озиқланадилар, айни шу пайтда ўз тўрларига ўралган бўладилар. Улар барглар билан аралаштириб тўқилган тўрларини шохчаларга маҳкамлаб ва ичига кириб қишлайдилар. Йилда битта авлодгакўпаядилар.

Яшаш ва озиқланиш маконлари

Барг билан озикланетган личинкаси – bugwood.org
Бу каби зараркунанданинг личинкалари олма, нок, гилос, ўрик ва бошқа турдаги меваларниг куртак ва барглари билан озиқланади.

 

Зарарлари

Гилос шохларидаги личинкаси
Уларнинг сони кўпайиб кетган йилларда дарахтларни буткул баргсиз қолдиришлари мумкин, бундан зарар кўрган дарахтнинг кейингги йиллик мева ҳосилдорлиги пасайиб кетади.

Карши кураш чоралариМеханик назорат
Кеч куз ва қиш мавсумларида инларини йиғиб ёқиб юборинг.

Кимёвий назорат
Тиним даври охирида — куртак ёриш даврида 1% ёғ аралашмасидан фойдаланинг.

Манба: mevazor.uz

Дўстларингизга ҳам улашинг!